Норуоттар икки ардыларынааҕы конкурс-фестиваль.
Норуоттар икки ардыларынааҕы конкурс-фестиваль.
Саха Сирин Региональнай представителин, Саха Республикатын культуратын үтүөлээх үлэһитин, Саха Республикатын культуратын туйгунун Ощепкова Екатерина Семеновна көҕүлээһининэн сэтинньи 1-5 күнүгэр дылы Москваҕа 43төгүлүн ыытыллар Норуоттар икки ардыларынааҕы айар коллективтар конкурс-фестивалларыгар кыттар дьолго тиксибиппит. Барыта 1164 киьи кытынна. Манна Эстонияттан, Башкирияттан, Татарстантан, Удмуртияттан, Чувашияттан, уо.д.а омуктар, Саха Сириттэн 64 киһи кытынна.
Крымҥа билсибит Булун улууһун “ Дьүкээбил суһумнара” фольклорнай ансамбль, Мэҥэ-Хаҥалас Нуораҕанатыттан “Нуоралдьыма” бөлөх атын үҥкүүһүттэрэ, Мэҥэ-Хаҥалас Төҥүлүтүттэн солист Терентий Егоров, Бүлүү улууһун Тыымпытыттан “Дьүрүскэн” эр дьоннор ансаамбыллара, Хаҥалас улууһуттан Мохсоҕоллоохтон солист Агамов, Нам улууһун Аппаанытыттан солисткалар Татьяна Евсеева, Зоя Эверстова, Уус- Алдан Майаҕас орто оскуолатыттан “Дьолуо”фольклорнай ансаамбыл, Тулагы Сыырдааҕыттан “Талба Хотун” фольклорнай ансаамбыл, Дьокуускай куораттан “Анал” фольклорнай дуэт, солист 4 кылаас үөрэнээччитэ Артем Киселев,солистка Мария Гоголева, солист Дмитрий Никифоров – Келлер,хомусчуттар фольклорнай триолара, Өймөкөөнтөн “Иэйии” дуэт.Барыбытын “Космос” гостиницаҕа түһэрдилэр. Наһаа үчүгэйдик көрүстүлэр. Иккилии миэстэлээх хосторго 20с этээскэ олохтоотулар. Гостиницабыт иһигэр концертнай заллаах, остолобуойдаах этэ.
Сарсыарда биирдэ аһаталлар “шведский стол” диэн. Тугу сөбүлүүргүн, тугу талбыккын аһыыгын. Астара наһаа минньигэс, барыта баар.
Гран-При үрдук аатын Тулагы Сыырдааҕыттан “Талба Хотун” фольклорнай ансаамбыл, , Уус- Алдан Майаҕас орто оскуолатыттан “Дьолуо”фольклорнай ансаамбыл, Мэҥэ-Хаҥалас Төҥүлүтүттэн солист Терентий Егоров ыллылар.
Бастакы степеннээх лауреат аатын ыллылар Булун улууһун “ Дьүкээбил суһумнара” фольклорнай ансамбль, Бүлүү улууһун Тыымпытыттан “Дьүрүскэн” эр дьоннор ансаамбыллара, Нам улууһун Аппаанытыттан солисткалар Татьяна Евсеева, Зоя Эверстова, Дьокуускай куораттан “Анал” фольклорнай дуэт, солистка Мария Гоголева, солист 4 кылаас үөрэнээччитэ Артем Киселев солист Дмитрий Никифоров – Келлер, Өймөкөөнтөн улууһуттан солистка Агафья Готовцева, “Иэйии” дуэт.
Бэһис чыыһылаҕа Восход гостиницаҕа көспүппүт. Москваҕа Саха Республикатын представительствотыгар ыҥырбыттара. В.Ю.Заболев көрсүбүтэ, эҕэрдэлээбитэ. Махтал суруктарын туттарбыта.
Бэс чагда санаторийыгар концердаабыппыт.Сахалар элбэхтэр этэ, наһаа истиҥник-итиитик көрсүбүттэрэ.
Дойдубут тэбэр сүрэҕэр Москуба куоракка кыттан кэлбиппититтэн наһаа астынабыт,үөрэбит,дьоллооҕунан ааҕынабыт.
Өймөкөөн орто оскуолатын алын сүһүөх кылаас учуутала Готовцева А.С.
Сэтинньи 2015 сыл.